E posishon di Supervisor ta un di esnan más difísil den un organisashon. Di un banda nos tin ku dil ku e trahadónan, i di otro banda nos tin nos shèf tambe ku ta eksigí nos atenshon. P'esei ta hopi importante pa bo ta na altura di e prinsipionan di maneho den un kompania. Asina bo por enfrentá e retonan di tur dia hopi mas mihó.

Si bo ke profundisá bo konosementu di e proseso di maneho i dunamentu di guia na otro trahadó, anto esaki ta e kurso pa bo. Saliendo for di e konosementu ku bo tin kaba di e materia, nos ta sigui amplia riba diferente tópiko nobo. Di un banda lo trata diferente teoria tokante maneho general i maneho di personal, na otro banda den grupo nos lo praktiká e diferente táktikanan pa bo implementá e konosimentu atkerí den bo área di trabou. Tambe nos lo dunabo un introdukshon den nos leinan laboral i nos lo praktiká ku entre otro trahamentu di skèdjùl pa bo trahadónan. Lo tin hopi espasio pa interkambio di opinion i nos lo trata diferente pregunta práktiko ku e kursistanan lo trese dilanti durante e kurso.